ਦਿ ਸਿਟੀ ਹੈੱਡ ਲਾਈਨਸ
ਭਾਜਪਾ ਨੇਤਾ ਅਤੇ ਮਸਜਿਦ ਮੁਹੰਮਦ ਬਿਨ ਅਬਦੁੱਲਾ ਵਿਕਾਸ ਕਮੇਟੀ ਦੇ ਚੇਅਰਮੈਨ ਨੇ ਕਿਹਾ ਕਿ ਅਯੁੱਧਿਆ ਦੇ ਧਨੀਪੁਰ ਪਿੰਡ ‘ਚ ਪੰਜ ਏਕੜ ਜ਼ਮੀਨ ‘ਤੇ ਬਣਨ ਵਾਲੀ ਮਸਜਿਦ ਤਾਜ ਮਹਿਲ ਤੋਂ ਬਿਹਤਰ ਹੋਵੇਗੀ। ਭਾਜਪਾ ਨੇਤਾ ਅਤੇ ਮਸਜਿਦ ਮੁਹੰਮਦ ਬਿਨ ਅਬਦੁੱਲਾ ਵਿਕਾਸ ਕਮੇਟੀ ਦੇ ਚੇਅਰਮੈਨ ਨੇ ਕਿਹਾ ਕਿ ਅਯੁੱਧਿਆ ਦੇ ਧਨੀਪੁਰ ਪਿੰਡ ‘ਚ ਪੰਜ ਏਕੜ ਜ਼ਮੀਨ ‘ਤੇ ਬਣਨ ਵਾਲੀ ਮਸਜਿਦ ਤਾਜ ਮਹਿਲ ਤੋਂ ਬਿਹਤਰ ਹੋਵੇਗੀ। ਹਾਜੀ ਅਰਾਫਾਤ ਸ਼ੇਖ ਨੇ ਕਿਹਾ ਕਿ ਮਸਜਿਦ ਰਾਮ ਮੰਦਰ ਤੋਂ ਸਿਰਫ 25 ਕਿਲੋਮੀਟਰ ਦੀ ਦੂਰੀ ‘ਤੇ ਬਣਾਈ ਜਾਵੇਗੀ। ਸੁਪਰੀਮ ਕੋਰਟ ਨੇ ਪਿਛਲੇ ਸਾਲ 9 ਨਵੰਬਰ ਨੂੰ ਅਯੁੱਧਿਆ ‘ਚ ਵਿਵਾਦਿਤ ਰਾਮ ਜਨਮ ਭੂਮੀ-ਬਾਬਰੀ ਮਸਜਿਦ ਵਾਲੀ ਥਾਂ ‘ਤੇ ਰਾਮ ਮੰਦਰ ਦੀ ਉਸਾਰੀ ਲਈ ਰਾਹ ਪੱਧਰਾ ਕਰ ਦਿੱਤਾ ਸੀ ਅਤੇ ਕੇਂਦਰ ਨੂੰ ਸੁੰਨੀ ਵਕਫ਼ ਬੋਰਡ ਨੂੰ ਬਦਲਵੀਂ ਪੰਜ ਏਕੜ ਜ਼ਮੀਨ ਅਲਾਟ ਕਰਨ ਦਾ ਹੁਕਮ ਦਿੱਤਾ ਸੀ। ਹਾਜੀ ਅਰਾਫਾਤ ਸ਼ੇਖ ਨੇ ਕਿਹਾ ਕਿ ਨਵੀਂ ਮਸਜਿਦ, ਜੋ ਭਾਰਤ ਦੀ ਸਭ ਤੋਂ ਵੱਡੀ ਹੋਵੇਗੀ, ਵਿਚ ਭਗਵੇਂ ਰੰਗ ਵਿਚ ਦੁਨੀਆ ਦਾ ਸਭ ਤੋਂ ਵੱਡਾ ਕੁਰਾਨ ਹੋਵੇਗਾ, ਜਿਸ ਦੀ ਉਚਾਈ 21 ਫੁੱਟ ਅਤੇ ਚੌੜਾਈ 36 ਫੁੱਟ ਹੋਵੇਗੀ। ਸਾਨੂੰ ਭਰੋਸਾ ਹੈ ਕਿ ਇਹ ਮਸਜਿਦ ਤਾਜ ਮਹਿਲ ਤੋਂ ਵੀ ਜ਼ਿਆਦਾ ਖੂਬਸੂਰਤ ਹੋਵੇਗੀ। ਇਹ ‘ਦਾਵਾ ਅਤੇ ਦੁਆ’ ਦਾ ਕੇਂਦਰ ਹੋਵੇਗੀ ਕਿਉਂਕਿ ਇਹ ਨਾ ਸਿਰਫ਼ ਲੋਕਾਂ ਨੂੰ ਨਮਾਜ਼ ਅਦਾ ਕਰਨ ਦੀ ਇਜਾਜ਼ਤ ਦੇਵੇਗੀ, ਸਗੋਂ 500 ਬਿਸਤਰਿਆਂ ਦਾ ਕੈਂਸਰ ਹਸਪਤਾਲ ਵੀ ਹੋਵੇਗਾ ਜਿਸ ਦਾ ਫਾਇਦਾ ਹੋਵੇਗਾ।ਹਾਜੀ ਅਰਾਫਾਤ ਸ਼ੇਖ ਨੇ ਕਿਹਾ, “ਯੂਪੀ ਤੋਂ ਕੋਈ ਵੀ ਕੈਂਸਰ ਦੇ ਇਲਾਜ ਲਈ ਮੁੰਬਈ ਨਹੀਂ ਜਾਵੇਗਾ। ਇਸ ਵਿੱਚ ਡੈਂਟਲ, ਮੈਡੀਕਲ ਅਤੇ ਇੰਜਨੀਅਰਿੰਗ ਦੇ ਵੱਖ-ਵੱਖ ਕਾਲਜ ਵੀ ਹੋਣਗੇ। ਸਾਰਿਆਂ ਲਈ ਸ਼ਾਕਾਹਾਰੀ ਲੰਗਰ ਦੀ ਸਹੂਲਤ ਹੋਵੇਗੀ। ਇਹ ਪਹਿਲੀ ਮਸਜਿਦ ਹੋਵੇਗੀ ਜਿੱਥੇ ਸਾਰੇ ਭਾਈਚਾਰਿਆਂ ਦੇ ਲੋਕ ਖਾਣਾ ਖਾਣਗੇ। ਇੱਕ ਵਾਰ ਵਿੱਚ 5,000 ਲੋਕ ਇਕੱਠੇ ਖਾਣਾ ਖਾ ਸਕਣਗੇ।
